Ather Rizta S ઇલેક્ટ્રિક સ્કૂટર: Ather Energy એ આજે ​​તેના રિઝ્ટા સ્કૂટર પરિવારનો વિસ્તાર કરીને એક નવું S 3.7 kWh વેરિઅન્ટ લાઇનઅપમાં લોન્ચ કર્યું છે. નવી Rizta 3.7 kWh ની કિંમત રૂ. 1.38 લાખ (એક્સ-શોરૂમ) છે. અહીં અમે નવા લોન્ચ થયેલા Ather Rizta S 3.7 kWh વેરિઅન્ટ વિશેની બધી માહિતી શેર કરી રહ્યા છીએ.

Ather Rizta S launched: જો તમે લાંબી રેન્જવાળું ઇલેક્ટ્રિક સ્કૂટર શોધી રહ્યા છો તો Ather Rizta S તમારા માટે એક શ્રેષ્ઠ વિકલ્પ તરીકે ઉભરી આવ્યું છે. Ather Energy એ તેના Rizta સ્કૂટર લાઇનઅપમાં એક નવું મોડેલ Rizta S ઉમેર્યું છે, જે ફક્ત શક્તિશાળી સુવિધાઓથી સજ્જ નથી પણ એક જ ચાર્જ પર 159 કિમીનું અંતર કાપવાની ક્ષમતા પણ ધરાવે છે. ચાલો તેના વિશે વિગતવાર જાણીએ.

ફીચર્સ

એથરે Ather Rizta S ને ટેકનોલોજીથી ભરપૂર બનાવ્યું છે. તેમાં 7-ઇંચ ડીપવ્યૂ ડિસ્પ્લે છે. આ સાથે તેમાં ટર્ન-બાય-ટર્ન નેવિગેશન પણ આપવામાં આવ્યું છે. તેમાં AutoHold, FallSafe, Emergency Stop Signal જેવા ફીચર્સ છે. આ સાથે તેમાં Tow અને Theft Alert + Find My Scooter જેવા ફીચર્સ છે. આ ઉપરાંત સ્કૂટરને Alexa ઇન્ટિગ્રેશન, OTA અપડેટ્સ અને Ather ગ્રીડ સપોર્ટ (3,900+ ચાર્જિંગ પોઈન્ટ) મળે છે.

બેટરી અને વોરંટી

એથર Rizta S માં 3.7 kWh બેટરી 8 વર્ષ અથવા 80,000 કિમીની શાનદાર વોરંટી સાથે આવે છે. કંપનીનો દાવો છે આટલા લાંબા સમય સુધી ઓછામાં ઓછી બેટરીની હેલ્થ 70% બની રહેશે. તેને Ather Eight70 વોરંટી પ્રોગ્રામ કહેવામાં આવે છે.

રિઝ્ટા સ્કૂટરે માત્ર 10 મહિનામાં 1 લાખ યુનિટના વેચાણનો આંકડો પાર કરી દીધો છે. આ Ather માટે એક મોટી સિદ્ધિ છે અને કંપની હવે આ સેગમેન્ટમાં વધુ ઊંડી પકડ બનાવવાની તૈયારી કરી રહી છે.

ડિઝાઇન અને કમ્ફર્ટ

Ather Rizta S ની ડિઝાઇન પર એથરે ખૂબ ધ્યાન આપ્યું છે. તેમાં 34 લિટર અંડરસીટ સ્ટોરેજ છે, જેને 22-લિટર ફ્રન્ટ ટ્રંક દ્વારા વધારી શકાય છે. લાંબી અને પહોળી સીટ સવાર અને પાછળના ભાગે બેસનાર બંને માટે આરામદાયક છે. તેમાં મળેલ ફ્લેટ ફ્લોરબોર્ડ અને આરામદાયક હેન્ડલબાર રોજની સિટી રાઇડિંગ માટે પરફેક્ટ છે.

એથર રિઝ્ટા એસ ૩.૭ કેડબલ્યુએચ: સુવિધાઓ

Ather Rizta S 3.7 kWh ની ટોપ સ્પીડ 80 કિમી/કલાક છે, અને તેમાં 34-લિટર અંડરસીટ સ્ટોરેજ છે. રિઝ્ટા ફેમિલી સ્કૂટરના નવા લોન્ચ થયેલા વેરિઅન્ટમાં કંપની તરફથી 8-વર્ષ/80,000 કિલોમીટર વોરંટી પ્રોગ્રામ પણ આપવામાં આવશે. તે 7-ઇંચ ડીપવ્યૂ LCD, ઓટો હોલ્ડ, ઇમરજન્સી સ્ટોપ સિગ્નલ અને ટર્ન-બાય-ટર્ન નેવિગેશનથી સજ્જ છે.

Ather Rizta S કિંમત

Ather Rizta S ની કિંમત 1,37,047 રૂપિયા (એક્સ-શોરૂમ) છે. તેમાં 3.7 kWh બેટરી પેકઅપ આપવામાં આવ્યું છે. તેની IDC પ્રમાણિત રેન્જ 159 કિમી છે. તેની ડિલિવરી 1 જુલાઈ, 2025 થી શરૂ થઈ ગઈ છે. ભારતીય બજારમાં, તે TVS iQube, Bajaj Chetak, Hero Vida સાથે સ્પર્ધા કરે છે.